(ភ្នំពេញ) ៖ កាលពីវេលាម៉ោង ១៤៖០០នាទីរសៀល ថ្ងៃទី៣០ ខែឧសភា ឆ្នាំ២០២១ ឯកឧត្តម ង៉ូវ បូរីណា បានអញ្ជើញចូលរួមប្រជុំតាមប្រព័ន្ធបញ្ជូនរូបភាព និងសម្លេង Google Meet ក្រោមអធិបតីភាពឯកឧត្តម ហោ សិរីវឌ្ឍន៍ ប្រធានមូលនិធិកម្ពុជាប្រឆាំងកូវីដ១៩ ជាមួយមាជិកសមាជិការ។
ក្រោយបញ្ចប់កិច្ចប្រជុំដ៏មានអត្ថន័យ និងខ្លឹមសាររួចមក អង្គប្រជុំបានសម្រេចលទ្ធផលទាំង៥ដូចតទៅ៖
១. ត្រៀមរៀបចំបោះពុម្ភអាវសម្រាប់ចែកជូនសមាជិកតាមមូលនិធិកំណត់ និងសម្រាប់លក់ដើម្បីស្វែងរកចំណូលដាក់ជូនមូលនិធិ។
២. កំណត់ប្រើនិមិត្តសញ្ញារបស់មូលនិធិ។
៣. ស្វែងរកដៃគូរសហការក្នុងការស្វែងរកប្រជាពលរដ្ឋដែលមានការខ្វះខាត ក្នុងបរិបទនៃការរីករាលដាលនៃជំងឺកូវីដ១៩
៤. រៀបចំគ្រឿងឧបភោគ បរិភោគ សម្រាប់ចែកជូនដល់បងប្អូនប្រជាពលរដ្ឋដែលខ្វះខាតយ៉ាងហោចណាស់បាន១០០គ្រួសារក្នុងមួយខែ។
៥. ត្រៀមរៀបចំការងារផ្សេងៗទៀត។
ថ្វីត្បិតតែកិច្ចប្រជុំនេះធ្វើឡើងតាមប្រព័ន្ធអនឡាញពិតប្រាកដមែន ប៉ុន្ដែសមាជិកមានទឹកមុខរីករាយសោមស្ស ដែលលទ្ធផលនៃកិច្ចប្រជុំទទួលបានលើសពីការរំពឹងទុក៕
